ما مفهومك الشخصي عن الصداقة؟؟
الصداقة من وجهة نظري هي معنى كبير جدا و لو موجود بين اتنين بيكونوا اسعد اصدقاء
و الصديق اللي بجد هو من وجهة نظري بالمفهو اللي عرفه سيدنا علي بن ابي طالب كرم الله وجهه
حيث قال ((لايكون الصديق صديقا حتى يحفظ أخاه في ثلاث: نكبته وغيبته ووفاته))
هل تعتقد بوجود فرق بين الصاحب والصديق؟ وان كان هناك فرق فما هو؟
أكيد طبعا في فرق و هو ان الصاحب بيكون معانا اه و بنفرح بوجوده اه بس مش زي الصديق اللي بيكون دايما معايا في فرحي و جرحي و في كل وقت
الصاحب يفرح معايا اه بس لو انجرحت ممكن اصعب عليه بس مش يزعل عليا
هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
اكيد مش اي حد ينفع يكون صديق
اي صديقة بالنسبة ليا لازم تكون صادقة فعلا و تكون بتحبني بجد مش مجرد كلام
و اكيد في حاجات بسيطة بتحصل بتحدد مين الصديق و مين المنافق
و اللي لازم ناخد بالنا منها
هل تولي ثقتك الكاملة لصديقك ام تعطيه جزء منها؟ولماذا؟
انا صديقتي اللي بحبها اوي برتاح معاها جدا و تقريبا عارفة عني كل حاجة و ربنا ما يحرمنا من بعض
هل هناك عدد معين من الاصدقاء يجب التوقف عنده؟ ولماذا؟
مش عارفة بس انا من وجهة نظري صعب اصلا تلاقي اكتر من صديق في حياتك و لو انسان محظوظ يبقوا 2 لكن اكتر من كده احتمال كبير معنى الصداقة يختل بينهم
من برأيك اقرب الصديق ام الاخ؟ ولماذا؟
و الله دي تتوقف على شخصية الاتنين و ساعات كتير بيكون الاخ بعيد عن اخوه و بالتالي الصديق هو اللي بيكون أخ و اكتر كمان
هل تجعل صديقك في اختبار دائم ام تحدد وقت لذلك ؟
مادام انا اعتبرته صديق و قلت عليه كده يبقى لازم اثق فيه جدا و كمان ده معاه اسراري كلها و لو انا مش واثقة يبقى بلاش صداقة ولا بلاش اكلمه احسن
حين تتعرض لخيانة الصديق فعلى من تلقي اللوم عليه ام على نفسك ام على من؟
عليا الاول علشان ماعرفتش افرق انه شخص اعتبرته صديق و هو اصلا انسان وضيع
و عليه كمان لانه رسم دور البراءة و الصدق و هو اصله كدب و خداع
موضوع جامد جدا يا احمد
تسلم ايدك يا قمر سوري طولت عليك
موضوع: الصداقه( ادخل قول كلمتك فى صديقك) 
الأربعاء أبريل 02, 2008 8:37 pm
