جاني الخبر يا صاحبي واظلم الكون =قدام عيني ثـم نطقـت الشهـاده
على العموم اقولهـا الـف مليـون =مبروك من قلب شكالـك ابعـاده
مبروك لا يهمك سواليف وضنـون =من عاشق يهديك فرحـة فـؤاده
سو الفرح اليوم وابليـس ملعـون =واللي يشب النار يجنـي رمـاده
انا اول العالم على القصـر يلفـون =اول معازيـم الفـرح والحـداده
ابشر انا برقص على العرس بالهون =كـل يعبـر فرحتـه باجتهـاده
لو البلا رقصي يقولـون مزيـون =المشكلـه القلـب يفضـح وداده
يوم العذارى في دخولـك يغنـون =وعروستك باحلى ثواني السعاده
كنـت اتمنـى بدالهـا والله اكـون =واحط انا كفي تحت راسك وساده
واشلون ابكتم صرختي يوم تمشون =تكفى ..خذني للعروسـه قـلاده
حتى معازيم الفرح قامـو يمشـون =واصبحت انا وحدي بدون استفاده
وطفو علي النور من غير يـدرون =قصر الفرح يا قبر(منيرة) ومهاده
وصيتي لو جاك بنت وانـا امـون =سميتها لك (منيرة) قبـل الـولاده
اهدااء الا كل من كان لة قلب ينبض بلحب الحقيقي
موضوع: بنت في ليلة زواج حبيبها 
الجمعة مايو 02, 2008 11:53 pm
